Itinanghal ang P-pop group na SB19 bilang Favorite Asian Act sa Nickelodeon Kids’ Choice Awards 2024.
Sa post ng SB19 sa X, pinasalamatan ng grupo ang kanilang fans at ang Nickelodeon para sa nakamit nilang pagkilala.
“Winning Favorite Asian Act at the Nickelodeon Kids’ Choice Awards is a dream come true for us and for our country, The Philippines!,” saad ng SB19.
“Your support and recognition mean everything. We are honored and excited for what’s next!,” dagdag nila.
Nakalaban ng SB19 sa naturang kategorya ang K-Pop group ENHYPEN, ang Malaysian singer na si Iman Troye, ang Japanese girl group na NiziU, at ang Indonesian singer na si Tiara Andini.
Ang SB19 rin lang ang tanging Pinoy act na nanomina sa KCA ngayong taon.
Noong 2012, ang “Pyramid” singer na si Charice (na kilala na ngayon bilang si Jake Zyrus, ang nagwagi ng Favorite Asian Act award.—FRJ, GMA Integrated News
