Nagbalik na may pasabog si Jennie, miyembro ng Blackpink, sa kanyang solo comeback single na “Mantra.”
Sa ulat ng Balitanghali nitong Biyernes, agad na nag-trending ang music video ng “Mantra,” na umani ng 2.8 milyong views sa loob lang ng tatlong oras matapos itong ilabas.
Ipinakita ni Jennie ang iba’t-ibang mga outfit—sexy at girly—kasama ang kanyang blonde na buhok na talagang namumukod-tangi sa ilang eksena ng video.
Ang “Mantra” ay ang unang single ni Jennie na inilabas sa ilalim ng Columbia Records at Odd Atelier, matapos niyang pumirma sa Columbia Records nitong Setyembre.
Kabilang pa sa mga kilalang solo hits ni Jennie ang “SOLO,” “You & Me,” at ang collaboration song nila ni ZICO na “SPOT!”
